قُومُو تا نحِبّ… قُومُو
قُومُو تا نحِبّ
أُوعا شي يوم تصُومو
عن خُبْز الحُبّ
قُومُو ما منَعرِف بُكرَه
رح يِبعَت أيّا سَفرَه
تا تدِقّ الباب
قُومو لا تخَلّو النّطرَه
يمرُق عالفاضي عُمرَا
ويُوصَل الِغْياب
قومو عا بَوسِه وغَمرَه
قومو تا نْحبّ
قُومو تا نحِبّ ونِشفَا
من الوَقت لْ صايِر مَنْفا
وبَدّو إيدَين
تِغمُر… تا الدِّنْيِه تِدفَا
والشَّوق نْجُومو تِقْفَا
بْ لَيل العِينَين
قُومو تا تضَوِّي المَنْفا
تْرَيّات الحُبّ
العدد التاسع 2025-11-16
قزحيا ساسين
شاعر وكاتب
إتبعنا
