العدد الثامن 2025-9-25وِجِّك مغَطَّا بالوَجَع
مش شايفو… زِحت الوجَع نِتفِه
ولِملَمت وجِّك… وجِّك المِقْفي
وجِّك يا أرض مبَيعَدِه… لَو تِنزَرَع
يا ما سْلال بتِنتِلي بْ قَطفِه
وجِّك نَهر مبحُوح… مش عم يِنسَمَع
والحاملِين جرار… صارو جرار
بْ قَلبا العَطَش طفحان عالشّفِّه
وجِّك يا دِلف العِطر بِ خيال الوَجَع
ويا مِين يقعُد تحت هالدِّلفِه
وِجِّك مغَطَّا بالوَجَع
خَلف الوَجَع شو عم يصِير اعراس
والقصر فاضي… ما إجو ضيُوفو
خَلف الوَجَع…
واقِف مَلَك بِيشُوف كلّ النّاس
وْما فِي حَدَا منِ النّاس… بِيشُوفو
شاعر وكاتب
إتبعنا
