ابراهيم شحرور، دكتور في الهندسة المدنية، استاذ جامعي، مدير البرامج في مجلس الإنماء والاعمار ووافد حديث إلى الشعر باللغة المحكية مالكاً درجة التميّز بين مجايليه. بعد الخمسين كتبَ ونشر فأصدر الديوان الأول (أساور من تعب) في العام 2015 وأتبعه بـ"تياب القلوب... قلوب" العام الماضي.
بمناسبة يوم المرأة ،
واحد إسمو ” عا طول ”
تزوّج وحده إسما ” وَلا مرّه ” …
وَلا مرّه
“”””””
” عاطول ” متْزوّج ” وَلا مرّه ”
بيقلّها مرّه :
لش تا أنا لِ بْصالحِك … عا طول
وْإنتي … وَلا مرّه ؟
احْتارت ” وَلا مرّه ” شو بدّا تْقول
وْتا تكسر الجرّه … فرد مرّه
قالت : اسْمعني يا ظريف الطول
بالبيت تاركني أنا … عا طول
إشرب لَ وحدي عيشتي المُرّه
وْعا طول … بتْقلّي أنا مشغول
وْبنطر تجي من سهرتَك برّا …
مش قلت رح بتْحبّني … عا طول ؟
يا حِبّني عا طول … يا ” عا طول ”
يمّا بَلا مَ تْحِبّ … بالمرّه …
