كتابات تستحق النشر

بمناسبة اليوم العالمي للمرأة… الأمثال البيروتية في المرأة – سهيل منيمنة

+ posts

صيدلي. ناشط وباحث في الشأن التراثي والبيئي لمدينة بيروت. مؤسس جمعية تراثنا بيروت - علم وخبر رقم 707

– كبرت البتنجانة ودندلت جراسها، ونسيت قفة الزبالة عا راسها!
– العتب للنسوان!
– لبّس المكنسة بتطلع ست النسا!
– الطول للنخل والتخن للجميز!
– البنت الكسيحة ولا الصبي الفضيحة!
– الحمّام ما بيبيض سودان!
– إيدها بالطبق وعينها على مين زعق!
– همّ البنات للممات!
– بنت الحلال عانت واستعانت، وبنت الحرام حطت راسها ونامت!
– ضربت إيدها عل ركبتها، طلعت بربوكتها!
– بحبك يا إسواري… قد زندي لأ!
– خيّاطة آخر زمان بتلاقي الإبرة بتضيّع الكشتبان!
– ما تاخد العَلك إلا من الحناك العوج!
– قال لها يا شاطرة يا لبقة بتعرفي بهالحبقة كم ورقة؟ قالت له يا قاري يا كاتب بتعرف بهالبحر كم راكب؟
– إجت الحزينة تفرح ما لقت مطرح!
(الصورة لصبية بيروتية حوالي 1880).
(الصورة لصبية بيروتية حوالي 1880).

سهيل منيمنة

صيدلي. ناشط وباحث في الشأن التراثي والبيئي لمدينة بيروت. مؤسس جمعية تراثنا بيروت - علم وخبر رقم 707

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى