العدد الثامن 2025-9-25 
تخيّلت شو ممكن يقول مصاب الزهايمر
خرفان ؟ ما بعرف إذا خرفان
أو ساكن بْ راسي حدا تاني …
من يوم ما تْعرّفْت عا النسيان
مش قادر النسيان … ينساني
مرّه فرِحْت… وْراحت الضحكِة
وْما عْرِفْت وين بتروح من دوني
وْمرّه زعِلْت … وجيت تا إبكي
ونْسِيت حُطّ دْموع… بعْيوني …
نْسيت لْ بِحِبّوني… وشو ما يْصير
لا بدّ ما شي يوم ينسوني …
شو بْخاف ينسوني… بخاف كْتير …
وْأكتَر … إذا بْيِنْسوا … يحبّوني
ابراهيم شحرور، دكتور في الهندسة المدنية، استاذ جامعي، مدير البرامج في مجلس الإنماء والاعمار ووافد حديث إلى الشعر باللغة المحكية مالكاً درجة التميّز بين مجايليه. بعد الخمسين كتبَ ونشر فأصدر الديوان الأول (أساور من تعب) في العام 2015 وأتبعه بـ"تياب القلوب... قلوب" العام الماضي.
إتبعنا
